Kven set grensene for norsk siderproduksjon?

Norsk sider har blitt ei vekstnæring som skaper arbeidsplassar, reiseliv og lokal verdiskaping over heile landet. Samstundes meiner mange produsentar at regelverket framleis er tilpassa ei anna tid og ei heilt anna næring. Korleis sikrar vi at norske siderprodusentar får rammevilkår som gjer det mogleg å vekse? Kva rolle skal landbrukspolitikken spele i utviklinga av nye mat- og drikkenæringar? Og korleis kan vi auke verdiskapinga frå norske råvarer? Debatten samlar politikarar, siderprodusentar og næringsliv til ein samtale om regelverk, avgifter, landbrukspolitikk og moglegheitene for å utvikle ei ny norsk eksport- og reiselivsnæring med utgangspunkt i norske gardar og norsk frukt.